شطن بي الغزلاني
شطّن بي الغزلانـي لي لْهن عيان ٍ سـود
و السولعي وزّانـي في امتابعة مجهـود
إمن الوزا ظميانـي و لا نلت لي مقصود
وحقّه ذرب المعانـي سـلام عـد النـود
واعداد شرت ٍ واني لي ينعـش الميهـود
بنّاتـه زعفـرانـي و مسك ٍ ونفحة عود
ما يحترم لانسانـي إلا بخصـال اليـود
إن كـان م الشبّانـي ولاّ كَهِـل مـعـدود
الشهم لـه ميزانـي حشمه وقدر ٍ عـود
ياذا الشباب البانـي بـادر وقـم بجهـود
ولا تقلّـد الدلهانـي لـي ماوراهـم زود
وترى الرّدي والدّاني في سعيهـم منقـود
شمّر لوقـت ٍ زانـي واعمل شرى ليـدود
وعسى شباب اوطاني يحظى بجهد وْ فـود
الإثنين يناير 28, 2013 11:17 pm
